తిరువూరులో కోవిడ్ ఆసుపత్రి ఏర్పాటు

తిరువూరు లో కోవిడ్ ఆసుపత్రిని ఏర్పాటు చేస్తున్నట్లు రాష్ట్ర రవాణా, సమాచార పౌర సంబంధాల శాఖా మంత్రి పేర్ని వెంకట్రామయ్య (నాని ) చెప్పారు. తిరువూరు లో కోవిడ్ ఆసుపత్రి ఏర్పాట్లపై జిల్లా కలెక్టర్ ఏ .ఎండి .ఇంతియాజ్, స్థానిక శాసనసభ్యులు కొక్కిలగడ్డ రక్షణనిధి తో కలిసి అధికారులతో శుక్రవారం మంత్రి సమీక్షించారు. ఈ సందర్భంగా మంత్రి పేర్ని నాని మాట్లాడుతూ కోవిడ్ సెకండ్ వేవ్ వేగంగా వ్యాపిస్తున్న నేపథ్యంలో కోవిడ్ వ్యాధిగ్రస్తులకు మెరుగైన వైద్య చికిత్సలు అందించేందుకు ప్రతీ నియోజకవర్గంలోనూ కోవిడ్ చికిత్స కేంద్రాలను ఏర్పాటు చేస్తున్నామన్నారు. తిరువూరు లోని కమ్యూనిటీ హెల్త్ సెంటర్ ను కోవిడ్ ఆసుపత్రి ఏర్పాటుకు సంబంధించి వారం క్రితమే వైద్యాధికారులతో సమీక్చించామన్నారు . ఆసుపత్రి ఏర్పాటులో అవసరమైన వైద్య పరికరాలు, ఔషదాలు, సిబ్బంది నియామకం , ఇతర మౌలిక సదుపాయాల కల్పన, తదితర అంశాలపై అధికారులతో చర్చించామన్నారు. వైద్యులు, సిబ్బందిని కాంట్రాక్టు పద్ధతిపై నియామకానికి సంబందించి వాక్ ఇన్ ఇంటర్వ్యూ ద్వారా నియమిస్తామన్నారు. అర్హత గల వారు జిల్లా కలెక్టర్ లేదా జిల్లా వైద్య శాఖాధికారిని వారిని కలిసి తమ దరఖాస్తును సమర్పించాలన్నారు. త్వరలో ఏర్పాటు చేయనున్న కోవిడ్ ఆసుపత్రిలో అత్యవసర సేవలకు అవసరమైన ఆక్సిజన్ కు ఎటువంటి ఇబ్బంది లేకుండా 10 ఆక్సిజన్ కాన్సన్ట్రేటర్స్ ను ఏర్పాటు చేస్తున్నామని, వీటిలో 5 కాన్సన్ట్రేటర్స్ జిల్లా కలెక్టర్ అందిస్తారని , మిగిలిన 5 కాన్సన్ట్రేటర్స్ ను తాను అందిస్తానని మంత్రి చెప్పారు. వీటితో పాటు ఆక్సిజన్ సిలెండర్లుకు ఎటువంటి కొరత రాకుండా అధికారులు సమన్వయంతో చర్యలు తీసుకోవాలన్నారు.

జిల్లా కలెక్టర్ ఏ .ఎండి .ఇంతియాజ్ మాట్లాడుతూ కరోనా సెకండ్ వేవ్ విస్తృతంగా వ్యాపిస్తున్న నేపథ్యంలో ప్రజలకు మెరుగైన వైద్య సేవలు అందించేందుకు అవసరమైన ప్రదేశాలలో కోవిడ్ ఆసుపత్రులను ఏర్పాటు చేస్తున్నామన్నారు. కోవిడ్ సెకండ్ వేవ్ వైరస్ ప్రత్యేక లక్షణాలు కలిగి ఉంది , ప్రత్యేక చికిత్స అవసరమవుతున్నదన్నారు. చికిత్స విధానం, కోవిడ్ ఆసుపత్రిలో సౌకర్యాలు, వైద్యులు, సిబ్బంది నియామకంపై తదితర అంశాలపై అధికారులతో వైద్యాధికారులతో విస్తృతంగా చర్చిండం జరిగిందన్నారు. రెండు, మూడు రోజులలో తిరువూరులో కోవిడ్ ఆసుపత్రి ఏర్పాటు చేస్తామని కలెక్టర్ చెప్పారు.

శాసనసభ్యులు కొక్కిలగడ్డ రక్షణనిధి మాట్లాడుతూ తిరువూరు జిల్లాకు చివరన ఉండడంతో కోవిడ్ వ్యాధిగ్రస్తులు చికిత్స కోసం విజయవాడ వంటి సుదూర ప్రాంతాలకు వెళ్లడం, అక్కడ బెడ్స్ లేకపోవడం తదితర సమస్యల కారణంగా తిరువూరు పరిసర ప్రాంతాలలోని ప్రజల సౌకర్యార్థం తిరువూరు లో కోవిడ్ ఆసుపత్రి ఏర్పాటు చేయవలసిందిగా ముఖ్యమంత్రి ని కోరడం జరిగిందని, వెంటనే ఈ ప్రాంతానికి కోవిడ్ ఆసుపత్రిని మంజూరు చేసారని కృతఙ్ఞతలు తెలిపారు.

కార్యక్రమంలో జిల్లా వైద్య ఆరోగ్య శాఖాధికారి డా. సుహాసిని, జిల్లా ఆస్పత్రి సేవల సమన్వయాధికారి డా. జ్యోతిర్మయి, డిప్యూటీ డి.ఎం.హెచ్. ఓ. డా. డి ఆశ , మునిసిపల్ చైర్ పర్సన్ కస్తూరిబాయి , మునిసిపల్ కమీషనర్ కె.వి.ఎస్.ఎన్ . శర్మ, తహసీల్దార్ స్వర్గం నరసింహారావు, ఎంపిడిఓ బి. వెంకటేశ్వరరావు, ప్రభృతులు పాల్గొన్నారు. అంతకు ముందు ఆసుపత్రి ని మంత్రిని అధికారులతో కలిసి పరిశీలించారు. అనంతరం వ్యక్తిగత పరిశుభ్రత కిట్లను మంత్రి పేర్ని నాని , కలెక్టర్ ఇంతియాజ్ ప్రజలకు పంపిణి చేసారు.

———————————————————————————————————–
( డివిజినల్ పౌర సంబందిధికారి, నూజివీడు వారిచే జారీ చేయబడినది )

Perni Nani Promises COVID Hospital In Tiruvuru Krishna District - తిరువూరులో కోవిడ్ ఆసుపత్రి ఏర్పాటు

తిరువూరు ప్రభుత్వ ఆసుపత్రిలోనే కరోనా పరీక్షలు నిర్వహించాలి

తిరువూరు ప్రభుత్వ ఆసుపత్రిలో ఇక నుండి ప్రతినిత్యం కరోనా నిర్ధారణ పరీక్షలు నిర్వహించాలని స్థానిక ప్రజలు కోరుతున్నారు. మంగళవారం నాడు 110మంది రక్తనమూనాలు సేకరించి నిర్ధారణ నిమిత్తం బెజవాడ తరలించారు. ఇవి రావడానికి 3-4 రోజుల సమయం పడుతుందని అధికారులు పేర్కొంటున్నారు. కానీ గత అనుభవాల దృష్ట్యా ఇవి రావడానికి మరింత సమయం పడుతుందని అవగతమవుతుంది. స్థానిక ఎమ్మెల్యే రక్షణనిధి చొరవ తీసుకుని తిరువూరు ప్రభుత్వ ఆసుపత్రిలోనే వచ్చిన వారందరికీ కరోనా నిర్ధారణ పరీక్షలు నిర్వహించి ఫలితాలు వెంటనే వచ్చేలా చర్యలు తీసుకోవాలని ప్రజలు కోరుతున్నారు.

బుధవారం నాడు తిరువూరు ప్రభుత్వాసుపత్రిలో 43మందికి కరోనా నిర్ధారణ పరీక్షలు నిర్వహించారు. వీరిలో 16మందికి పాజిటివ్‌గా వచ్చింది. స్థానిక ఆసుపత్రి సిబ్బంది ఇరువురికి కూడా పాజిటివ్‌గా వచ్చినట్లు సమాచారం.
Tiruvuru Krishna District Andhra Pradesh - COVID19 Testing - TVRNEWS - తిరువూరు ప్రభుత్వ ఆసుపత్రిలోనే కరోనా పరీక్షలు నిర్వహించాలి

కోనేరు పేరు మీద స్మృతివనం ఏర్పాటు చేయాలి

గంపలగూడెం మండల కాంగ్రెస్ పార్టీ కార్యాలయంలో ప్రతినిధుల సమావేశం నిర్వహించారు. రాష్ట్రంలో దళితులపై జరుగుతున్న దాడులపై రాష్ట్ర కమిటీ పిలుపు మేరకు పార్టీ కార్యాలయంలో ఈ కార్యక్రమాన్ని నిర్వహించి మాజీ ఉప-ముఖ్యమంత్రి కోనేరు రంగారావు చిత్రపటానికి పూలమాలవేసి నివాళులర్పించారు.
కార్యక్రమంలో పాల్గొన్న వక్తలు మాట్లాడుతూ రాజమండ్రిలో మైనర్ బాలికపై అత్యాచారం, చీరాలలో దళిత యువకుడి హత్య, సీతానగరంలో దళిత యువకుడికి శిరోముండనం తదితర అంశాలపై నిరసన వ్యక్తపరిచారు. అనంతరం ఈ దిగువ తీర్మానాలకు ఆమోదం తెలిపారు.
* రాష్ట్రంలో ఎస్సీ,ఎస్టీ కమీషన్‌ను వెంటనే నియమించాలి.
* దళితులపై జరుగుతున్న దాడుల కేసులను CBCIDకి అప్పగించాలి.
* ఫాస్ట్ ట్రాక్ కోర్టులను ఏర్పాటు చేసి బాధిత కుటుంబాలకు న్యాయం జరిగే విధంగా ప్రభుత్వం చర్యలు చేపట్టాలి.
* రాష్ట్రంలో ఎన్నో సేవలందించిన కోనేరు రంగారావు పేరు మీద స్మృతివనం, రాష్ట్రస్థాయిలో ఒక పథకానికి పేరు పెట్టాలి.

కోనేరు పేరు మీద స్మృతివనం ఏర్పాటు చేయాలి-Koneru Rangarao Tiruvuru YS Jagan Gampalagudem Congress

తిరువూరులో కరోనా పరీక్షా కేంద్రాన్ని ఏర్పాటు చేయాలి

కృష్ణాజిల్లా తిరువూరు మాజీ ఎమ్మెల్యే నల్లగట్ల స్వామిదాస్ తన గృహంలో ఏర్పాటు చేసిన విలేకర్ల సమావేశంలో మాట్లాడుతూ ప్రశాంతంగా ఉన్న పట్టణంలో కరోనా వైరస్ కలకలంతో ప్రజలు భయభ్రాంతులకు గురవౌతున్నారని అన్నారు. స్థానిక వస్త్రవ్యాపారి మాతృమూర్తి కరోనాతో మృతిచెందగా 60మంది ఉద్యోగులకు చేసిన పరీక్షల్లో పొంతన లేని వివరాలు వెల్లడిస్తున్నారని ఆయన మండిపడ్డారు. 50000 జనాభా కలిగిన తిరువూరులో కరోనా పరీక్షా కేంద్రాన్ని ఏర్పాటు చేయాలని డిమాండ్ చేశారు. 60మంది కరోనా పరీక్షా ఫలితాలపై స్పష్టత ఇవ్వాలని కోరారు.
Nallagatla-Swamydas-Demands-Tiruvuru-COVID19-Center

తిరువూరులో ప్రభుత్వ యంత్రాంగం పని చేస్తోందా?

59 మంది కరోనా అనుమానితులు పరీక్షలు చేసి ఐదు రోజులు అవుతున్నప్పటికీ ఇప్పటివరకు ఫలితాలను ఎందుకు ప్రకటించలేదు? ప్రజలు భయాందోళనకు గురి అవుతుంటే పట్టించుకునే నాధుడే కరువయ్యాడు. మన ఎమ్మెల్యే రక్షణనిధి ఎక్కడ? తక్షణమే ఆయన స్పందించి తిరువూరులో కరోనా వ్యాధి నిరోధక చర్యలు పకడ్బందీగా చేపట్టాలి. కరోనా పరీక్షా ఫలితాలను తక్షణమే వెల్లడించాలి. స్వామిదాస్ డిమాండ్…..
తిరువూరులో ప్రభుత్వ యంత్రాంగం పని చేస్తోందా?-Nallagatla Swamydas Demands Response.

పాలకులారా…తిరువూరులో దాహం కేకలు మీకు పట్టవా?

తిరువూరులో గత నాలుగు దశాబ్దాల నుండి ప్రజాప్రతినిధులుగా ఉంటున్నవారు పరాయి ప్రాంతం నుండి వచ్చిన వారు కావడంతో ఈ ప్రాంతపు దీర్ఘకాలిక సమస్యలు పరిష్కారం కాకుండా ఉంటున్నాయి. “అంగట్లో అన్నీ ఉన్నా– అల్లుడు నోట్లో శని” అన్నట్లుగా తిరువూరు చుట్టు ప్రక్కల అపారమైన జల వనరులు ఉన్నప్పటికీ తిరువూరు ప్రజలు మాత్రం గుక్కెడు మంచినీటి కోసం విలవిలలాడిపోతున్నారు. తిరువూరు పట్టణానికి నాలుగు వైపుల ఉన్న వాగులు, ఏడు చెరువులు ప్రస్తుత వేసవి సీజన్‌లో సైతం జలాలతో కళకళలాడుతున్నాయి. అయినప్పటికీ తిరువూరు ప్రజలకు బిందెడు మంచినీళ్లు కావాలంటే రెండు, మూడు రోజులు ఆగక తప్పడం లేదు.

*** ముందు చూపు ఉన్న జమీందారులు
తిరువూరు పట్టణానికి, ఆ మాటకొస్తే మండలానికే ఘనమైన కీర్తి ఉంది. పలువురు జమీందార్లు ఈ పట్టణాన్ని కేంద్రంగా చేసుకుని పరిపాలించారు. (చరిత్ర గురించి తరువాత తెలుసుకుందాం). ఈ జమీందారులు చాలా ముందుచూపుతో వందల సంవత్సరాల క్రితమే తిరువూరు చుట్టూ 7చెరువులను తవ్వించారు. వేసవికాలంలో ఇబ్బంది లేకుండా 7చోట్ల పెద్ద పెద్ద బావులను కూడా తవ్వించారు ఆ మహానుభావులు. కానీ మన కొద్దిబుద్ధుల పెద్దల ఘనకార్యం పుణ్యమా అని పెద్దబావిని పూడ్చివేసి రైతుబజారు పెట్టారు. జైబావిని పూడ్చివేసి ఆటోస్టాండ్ పెట్టారు. గరల్స్ హైస్కూల్ వెనుక ఉన్న పెదబావిని పూడ్చి కోర్టును నిర్మించారు. మిగిలిన బావులు కూడా వీటి అదృశ్యం మూలంగా బెంగపడి ఏనాడో కనుమరుగయ్యాయి. తిరువూరుకు చుట్టూ కట్టేలేరు, పడమటి వాగులతో కలిపి ఇతర చిన్నవాగులు ఉన్నాయి. సాగర్ ప్రధాన కాలువ మనకు సమీపంలోనే ఉంది. ఉన్న వనరులను సద్వినియోగం చేసుకోవడంలో తిరువూరును పాలించిన పాలకులకు ముందుచూపు లేకపోవడంతో నేడు తిరువూరు పట్టణానికి మంచినీటి ఎద్దడి విపరీతంగా దాపురించింది. రాష్ట్రంలో ఏ పట్టణానికి చుట్టూ ఇన్ని చెరువులు కానీ, ఇన్ని వాగులు కానీ లేవు. వాస్తవానికి ఈ వనరులను సద్వినియోగం చేసుకుంటే తిరువూరు ప్రజలకు ప్రతిరోజూ ఒక పూట కాదు, రెండు పూటలు కూడా నీరు అందించవచ్చు. మహానుభావుడు, మాజీ కేంద్ర మంత్రి డా.కె.ఎల్.రావు ఏడు చెరువులను కలిపే రాకెట్ సప్లై ఛానల్‌ను, కోకిలంపాడు వద్ద కట్టలేరును ఏనాడో నిర్మించడం తిరువూరు ప్రజలకు వరం వంటిది.

*** కోనేరు ప్రయత్నం బూడిదలో పోసిన పన్నీరు అయింది
కోనేరు రంగారావు పురపాలక శాఖ మంత్రిగా ఉన్న సమయంలో తిరువూరుకు ప్రతినిత్యం మంచి నీరు ఇవ్వాలని ప్రయత్నించారు. అయితే కోట్లాది ఖర్చుతో ఆయన చేపట్టిన ప్రాజెక్ట్ నేడు నిస్సారంగా పడి ఉంది. తిరువూరు ప్రక్కనే ఉన్న సాగర్ జలాలను నాడు కోనేరు పెట్టిన ఖర్చులో నాలుగవ వంతు పెట్టి ఉంటే ఈ ఏడు చెరువులకు, వాగులకు నీరు మళ్లించడం సునాయాసంగా ఉండేది. కానీ కోనేరు రంగారావు నాడు అనుభవం లేని అధికారుల మాటే విన్నారు. 25 కి.మీ. దూరంలో ఉన్న తెల్లదేవరపల్లి వద్దకు సాగర్ జలాలను పంపించి అక్కడ ఒక రిజర్వాయిర్‌ను తవ్వి తిరువూరుకు మంచినీరు అందించాలనేది కోనేరు కోరిక. సీనియర్ జర్నలిస్టుగా నేను, అనుభవం ఉన్న పలువురు అప్పట్లో కోనేరుతో ఈ పథకం ప్రయోజనం లేనిదని చెప్పినప్పటికీ ఆయన వినేవారు కాదు. ఎట్టకేలకు ఈ పథకం అనుకున్నట్లుగానే పూర్తి అయింది. తెల్లదేవరపల్లి నుండి తిరువూరు వరకు వేసిన పైపులు భుగర్భంలోనే ఉండిపోయాయి. అక్కడక్కడ వేసిన ట్యాంక్‌లు ఎందుకూ పనికి రాకుండా పోయాయి. తిరువూరు ప్రజలకు ఎప్పటిలానే మంచి నీటి కష్టాలు మంచి స్నేహితుడిలా అంటిపెట్టుకుని ఉన్నాయి.

*** తిరువూరుకు కృష్ణా జలాలంట
ఇది ఒక అత్యద్భుతమైన తుగ్లక్ ఆలోచన. రూ.100 కోట్లు పెట్టి తిరువూరుకు కృష్ణా జలాలను తీసుకురావడం శుద్ధ దండగ. రూ.10 కోట్లు ఖర్చు పెడితే అవే కృష్ణా జలాలను తిరువూరుకు ఇవ్వవచ్చు. మన పక్కన ఉండే సాగర్ కాలువల ద్వారా కృష్ణా జలాలు ప్రవహిస్తున్నాయి. మన చుట్టూ ఉన్న వాగుల్లో నీరంతా కృష్ణా నదిలోకే వెళ్తోంది. మైలవరం, నూజివీడు వంటి ప్రాంతాలకు కృష్ణా జలాలు అవసరం. ఆ ప్రాంతంలో మనకు ఉన్నన్ని వాగులు కానీ, చెరువులు కానీ లేవు. ఆ రెండు ప్రాంతాలకు కృష్ణా జలాలు వస్తున్నాయి. తిరువూరుకు కూడా 70కి.మీ. ఎగువకు కృష్ణాజలాలు ఇస్తామనటం తప్పక తుగ్లక్ ఆలోచనే.

*** ప్రతి రోజు మంచి నీరు అందాలంటే…?
పాలకులు ఎవరికీ వారే సొంత వ్యాపారాలు, కాంట్రాక్టులు గురించి ఆలోచిస్తున్నారు తప్ప తిరువూరు ప్రజలకు ప్రతినిత్యం మంచినీరు అందించే విషయంపై దృష్టి పెట్టడం లేదు. సాగర్ ప్రధాన కాలువ 79వ కి.మీ సమీపంలో తిరువూరులో ఏడు చెరువులకు నీరు వచ్చే రాకట్ సప్లై ఛానల్ ప్రారంభమవుతుంది. అది సాగర్ జోన్–2 ప్రాంతంలో ఉంది. సాగర్ జోన్–2కు ఆగష్టు నెల నుండి ఏప్రిల్ ఆఖరి వరకు సాగర్ జలాలు విడుదల అవుతున్నాయి. ఈ జలాలతో ఏడు చెరువులలో కనీసం మూడు చెరువులనైనా రిజర్వాయరుగా మార్చుకోవచ్చు. సాగర్ కాలువ పక్కనే ఉన్న మర్లకుంట సమీపంలోని జంగంవారికుంటను సాగర్ జలాలతో తేలికగా నింపవచ్చు. జంగంవారికుంటను రిజర్వాయరుగా మార్చితే తిరువూరులో సగం ప్రాంతానికి రెండుపూటల నీరు పుష్కలంగా ఇవ్వవచ్చు. ఇది కాకుండా కట్టలేరు మీద లంకాసాగర్ అలుగు నుండి అక్కడక్కడ తిరువూరు సమీపంలో చిన్నచిన్న చెక్‌డ్యాంలు నిర్మిస్తే తిరువూరు బోర్లలో నీటినిల్వలు సమృద్ధిగా ఉంటాయి. ఇటీవల రాష్ట్ర ప్రభుత్వం అన్ని మున్సిపాలిటీలలో ప్రతినిత్యం మంచినీరు వదులుతామని ఆర్భాటంగా ప్రకటించింది. తిరువూరు మున్సిపాల్టీ గత పాలకవర్గం, అధికారులు కాంట్రాక్టులు చేసుకోవడం, బిల్లులు చెల్లించడం, పన్నుల వసూళ్లల్లో చూపుతున్న శ్రద్ధ మంచినీరు అందించే విషయంపై చూపలేదు లేదు కదా అలసత్వాన్ని అధికంగా ప్రదర్శిస్తున్నారు.

*** ఒక్కసారి లంకాసాగర్ ప్రాజెక్టును చూసి సిగ్గుతెచ్చుకోండి
తుమ్మల నాగేశ్వరరావు మంత్రిగా ఉన్న సమయంలో మన పొరుగునే ఉన్న లంకాసాగర్ ప్రాజెక్టులో ఒక మంచినీటి ప్రాజెక్టును ఏర్పాటు చేయించారు. ఆ ప్రాజెక్ట్ ద్వారా గత 10ఏళ్ల నుండి 20 గ్రామాలకు ప్రతిరోజూ నీరు అందిస్తున్నారు. సాగర్ జలాలను అక్రమంగా ఒక పిల్ల కాలువను త్రవ్వి ఈ ప్రాజెక్టుకు మళ్లిస్తున్నారు. కట్టలేరు మీదే ఈ ప్రాజెక్ట్ ఉంది. అంతకన్నా ఎక్కువ వనరులు తిరువూరులో ఉన్నాయి. ప్రజాప్రతినిధుల్లారా…మీరు కళ్ళు తెరిస్తే కొద్ది నెలల్లోనే తిరువూరుకు ప్రతిరోజు మంచినీరు ఇవ్వవచ్చు. మీకు చేత కాకపొతే ప్రజల నుండి లేదా తలపండిన రైతుల నుండి సలహాలు తీసుకోండి. దీనిపై ఒక సమావేశాన్ని నిర్వహించండి. లేకపోతే తిరువూరు ప్రజలు మిమ్మల్ని క్షమించరు. కుండపోత వర్షానికి బోర్లించిన బొచ్చె అడ్డుపెట్టినట్లు…ఉన్న వనరులు సద్వినియోగం చేసుకోకపోతే ఈ సారి పట్టణ ప్రజలు మీ వంక చూడను కూడా చూడరు.

*** ప్రతిరోజు మంచినీరు ఇచ్చేవారికే మన ఓట్లు
రానున్న నగర పంచాయతీ ఎన్నికల్లో రెండు ప్రధాన పార్టీల తరఫున కౌన్సిలర్ పదవులకు పోటీ చేస్తున్న అభ్యర్థులు ఇంటింటికీ కూరగాయలు, చేపలు, మామిడికాయలు, నిత్యావసరాలు పంచుతూ ప్రజలను మభ్యపెట్టడానికి ప్రయత్నిస్తున్నారు. ₹10వేలతో ఖర్చుతో కూరగాయలు పంచి వచ్చే అయిదేళ్లల్లో ₹10కోట్లు వెనకేసుకోవాలనేది ఒక్కొక్కడి ఆలోచన. తిరువూరు ప్రజలంతా సమైఖ్యంగా ఉండి తిరువూరుకు ప్రతిరోజు మంచినీరు అందించే వారికే మా ఓట్లు వేస్తామంటూ ఓట్లు అడగడానికి వచ్చే వారిని దానికోసం ప్రయత్నిస్తామని ప్రమాణం చేయమనండి. వచ్చే మున్సిపల్ ఎన్నికల్లో ఎవరు రోజూ మనకు మంచినీరు ఇస్తానంటే వాళ్లకే ఓట్లు వేద్దాం. ప్రస్తుత వేసవిలో మంచినీటి కష్టాలు చాలా తీవ్రంగా ఉన్నాయి. రోజు విడిచి రోజు కూడా కొన్నిసార్లు నీళ్లు వదలడం లేదు. ఈ వదిలిన సమయంలో గృహాల్లో పంపులు ఉన్నవారు మోటార్లు వేసి లాగేస్తున్నారు. బజారుల్లో పంపులు ద్వారా చుక్కనీరు రాక ప్రజలు అల్లడుతున్నారు. నగరపంచాయతీ అధికారులు చోద్యం చూస్తున్నారు తప్ప ఈ వేసంగిలో తిరువూరు ప్రజల దాహం తీర్చడంపై శ్రద్ధ చూపడం లేదు. ప్రతినిత్యం పన్నులు కట్టమని మైకుల్లో ఊదరగొడుతున్న మున్సిపల్ అధికారులు ప్రతిరోజు ప్రతి ఇంటికీ ఒక బిందెడు మంచినీరు ఇవ్వడంపైనే దృష్టి పెట్టాలని ప్రజలు కోరుతున్నారు. ఎమ్మెల్యే రక్షణనిధి ఈ విషయంలో శ్రద్ధ చూపాలని పట్టణ ప్రజలు డిమాండ్ చేస్తున్నారు. — కిలారు ముద్దుకృష్ణ, సీనియర్ జర్నలిస్టు.

ప్రస్తుతం కట్టలేరులో నిండుగా ఉన్న జలాలు.
పాలకులారా...తిరువూరులో దాహం కేకలు మీకు పట్టవా?-Tiruvuru Water Problems In Summer - TVRNEWS

దుర్భరంగా పంపుసెట్టు షెడ్డు
పాలకులారా...తిరువూరులో దాహం కేకలు మీకు పట్టవా?-Tiruvuru Water Problems In Summer - TVRNEWS

తిరువూరులో NTR జయంతి వేడుకలు

తెలుగుదేశం పార్టీ వ్యవస్థాపక అధ్యక్షులు నందమూరి తారక రామారావు 97వ జయంతి వేడుకలు తిరువూరులో ఘనంగా నిర్వహించారు. గురువారం నాడు స్థానిక ఫ్యాక్టరీ సెంటరులో ఎన్.టీ.ఆర్ విగ్రహానికి పూలమాలలు వేసి నివాళులు అర్పించిన తెదేపా నాయకులు పట్టణవ్యాప్తంగా ఉన్న రామారావు విగ్రహాలకు నివాళులు అర్పించారు.
తిరువూరులో NTR జయంతి వేడుకలు-tiruvuru ntr birthday celebrations 2020 - tiruvuru news tvrnews - krishna district tiruvuru news

మల్లెల మహిళపై పిచ్చిరాతలు రాసేవారిపై చర్యలు తీసుకోవాలి

తిరువురు మండలం మల్లెల తెలుగుదేశం పార్టీ ఎంపిటిసి అభ్యర్థినిపై సోషల్ మీడియాలో అసభ్యకర పోస్టింగ్ లు పెట్టిన అదే గ్రామానికి చెందిన దాకారపు నాగేశ్వరరావుపై చర్యలు తీసుకోవాలని మాజీ ఎమ్మెల్యే నల్లగట్ల స్వామి దాస్, సీనియర్ నాయకులు సుంకర కృష్ణమోహన్ రావు, మాజీ ఎంపిపి గద్దె వెంకటేశ్వర రావు, మండల పార్టీ అధ్యక్షులు దొడ్డా లక్ష్మణరావు డిమాండ్ చేశారు. ఈ మేరకు బుధవారం స్థానిక పోలీస్ స్టేషన్ లో నాయకులు లిఖితపూర్వకంగా ఫిర్యాదు చేశారు.
Tiruvuru TeluguDesam Party Leaders Demand Police Action On Mallela Women Social Media Abuse-TVRNews-TiruvurNews-మల్లెల మహిళపై పిచ్చిరాతలు రాసేవారిపై చర్యలు తీసుకోవాలి

తిరువూరులో పోటాపోటీగా నామినేషన్లు

తిరువూరు నగర పంచాయతీలో 20 వార్డులకు ప్రధాన పార్టీలైన తెలుగుదేశాన్, వైకాపా అభ్యర్ధులు నామినేషనులు దాఖలు చేసారు. నామినేషన్లు చివరిరోజు కావడంతో నగర పంచాయతీ కార్యాలయంలో ఉదయం నుండి వివిధ పార్టీల నాయకులు కార్యకర్తలతో సందడి నెలకొంది. పెద్ద ఎత్తున పోలీస్ బందోబస్తు కూడా ఏర్పటు చేశారు. కొన్ని వార్డుల్లో భాజపా, సీపీఎం, సీపీఐ, జనసేన అభ్యర్ధులు కూడా నామినేషన్లు వేశారు. నామినేషన్ల సరళిని బట్టి తెలుగుదేశం, వైకాపాల మధ్య ఇరువురు నగర పంచాయతీ ఎన్నికలు రసవత్తరంగా సాగే సూచనలు కనిపిస్తున్నాయి. నామినేషన్ల ఉపసంహరణ తరువాత కాని పోటీలో ఉండే అభ్యర్ధులపై స్పష్టత వచ్చే అవకాశం ఉంది. తిరువూరు నగరపంచాయతి పరిధిలోని చివరిరోజు 20 వార్డుల్లో పార్టీల వారిగా దాఖలైన అభ్యర్థుల నామినేషన్లు వివరాలు..
తిరువూరులో పోటాపోటీగా నామినేషన్లు -Tirvuuru news mptc zptc municipal elections 2020

1వ వార్డు
బీజేపీ-1
టీడీపీ-1
వైసీపీ-1
మొత్తం -3

2వ వార్డు
టీడీపీ-2
వైసీపీ-2
మొత్తం-4

3వ వార్డు
బీజేపీ-1
టీడీపీ-2
వైసీపీ-1
మొత్తం-4

4
టీడీపీ-2
వైసీపీ-2
ఇండిపెండెంట్-1
మొత్తం-5

5 వ వార్డు
కాంగ్రెస్ -1
టీడీపీ-1
వైసీపీ-1
ఇండిపెండెంట్-1
మొత్తం-4

6 వ వార్డు
బీజేపీ-1
సీపీఐ-1
టీడీపీ-3
వైసీపీ-1
జనసేన-1
ఇండిపెండెన్స్-3
మొత్తం-10

7వ వార్డు
సీపీఎం-1
టీడీపీ-2
వైసీపీ-1
ఇండిపెండెంట్-1

8 వ వార్డు
బీజేపీ-1
టీడీపీ-2
వైసీపీ-1
మొత్తం-4

9 వ వార్డు
బీజేపీ-1
టీడీపీ-2
వైసీపీ-2
మొత్తం-5

10 వ వార్డు
బీజేపీ-1
సీపీఎం-1
టీడీపీ-2
వైసీపీ-1
ఇండిపెండెంట్-1
మొత్తం-6

11 వ వార్డు
బీజేపీ-1
సీపీఎం-2
టీడీపీ-1
వైసీపీ-2
జనసేన-1
ఇండిపెండెంట్-3
మొత్తం-10

12 వ వార్డు
టీడీపీ-2
వైసీపీ-1
మొత్తం-3

13 వ వార్డు
బీజేపీ-1
సీపీఎం-1
టీడీపీ-3
వైసీపీ-2
మొత్తం-7

14 వ వార్డు
కాంగ్రెస్-1
టీడీపీ-2
వైసీపీ-2
జనసేన-2
ఇండిపెండెంట్-1
మొత్తం-8

15 వ వార్డు
బీఎస్పీ-1
బీజేపీ-1
టీడీపీ-2
వైసీపీ-1
ఇండిపెండెంట్స్-2
మొత్తం-7

16 వ వార్డు
టీడీపీ-2
వైసీపీ-1
మొత్తం-3

17 వ వార్డు
సీపీఎం-1
టీడీపీ-2
వైసీపీ-1
ఇండిపెండెంట్-1
మొత్తం-5

18 వ వార్డు
బీజేపీ-1
టీడీపీ-3
వైసీపీ-2
మొత్తం-6

19 వ వార్డు
బీజేపీ-1
టీడీపీ-2
వైసీపీ-1
ఇండిపెండెంట్-1
మొత్తం-5

20 వ వార్డు
బీజేపీ-1
టీడీపీ-1
వైసిపి-1
జనసేన-1
మొత్తం-4

20 వార్డులకు గాను 108 మంది అభ్యర్థులు నామినేషన్ దాఖలు చేశారు.
తిరువూరులో పోటాపోటీగా నామినేషన్లు -Tirvuuru news mptc zptc municipal elections 2020

తిరువూరు జడ్పీటీసీ అభ్యర్థుల నామినేషన్ దాఖలు

తిరువూరు మండలం జడ్పీటీసీ అభ్యర్థులు నేడు బందరులో నామినేషన్లు దాఖలు చేశారు. తెదేపా తరఫున మాజీ మండల పరిషత్ అధ్యక్షుడు గద్దె వెంకటేశ్వరరావు, వైకాపా తరఫున చౌటపల్లి గ్రామ మాజీ సర్పంచ్ యరమల రామచంద్రారెడ్డిలు తమ నామినేషన్లు దాఖలు చేశారు. వీరి ఇరువురి మధ్యనే పోటీ జోరుగా సాగే అవకాశాలు కనపడుతున్నాయి.
తిరువూరు జడ్పీటీసీ అభ్యర్థుల నామినేషన్ దాఖలు-Tiruvuru News Tiruvuru Krishna District ZPTC Elections 2020 Andhra Pradesh Nominations Gadde Venakteswara Rao Yaramala Ramachandrareddy-tvrnews
తిరువూరు జడ్పీటీసీ అభ్యర్థుల నామినేషన్ దాఖలు-Tiruvuru News Tiruvuru Krishna District ZPTC Elections 2020 Andhra Pradesh Nominations Gadde Venakteswara Rao Yaramala Ramachandrareddy-tvrnews